Home Kimataifa Waziri wa Ulinzi wa Ukraine afutwa kazi na Zelensky

Waziri wa Ulinzi wa Ukraine afutwa kazi na Zelensky

0

Waziri wa Ulinzi wa Ukraine Oleksii Reznikov amefutwa kazi, kiongozi wa nchi hiyo Volodymyr Zelensky ametangaza.

Bw Reznikov ameongoza wizara hiyo tangu kabla ya kuanza kwa uvamizi kamili wa Urusi mnamo Februari 2022.

Lakini katika hotuba yake ya usiku, Rais Zelensky alisema ni wakati wa utekelezaji “mbinu mpya” katika wizara ya ulinzi.

Rustem Umerov, ambaye anasimamia Hazina inayoendesha Mali ya Taifa Jimbo la Ukraine, amependekezwa na Bw Zelensky kama mrithi wa Bw Reznikov.

“Ninaamini kuwa wizara inahitaji mbinu mpya na mifumo mingine ya mwingiliano na wanajeshi na jamii kwa ujumla,” rais wa Ukraine alisema katika hotuba yake kutoka mji mkuu wa Kyiv.

Vyombo vya habari vya Ukraine vinakisia kwamba Bw Reznikov atakuwa balozi mpya wa Kyiv mjini London, ambako ameendeleza uhusiano mzuri na wanasiasa wakuu.

Kiongozi huyo mwenye umri wa miaka 57 amekuwa mtu mashuhuri tangu kuanza kwa vita nchini Ukraine.

Akiwa anatambulika kimataifa, amehudhuria mikutano mara kwa mara na washirika wa magharibi wa Ukraine na kuchukua jukumu muhimu katika kushawishi kupata zana za ziada za kijeshi.

Lakini kufutwa kwake kazi kumetarajiwa kwa muda.

Wiki iliyopita, Bw Reznikov aliwaambia waandishi wa habari kwamba alikuwa akifuatilia nyadhifa nyingine na rais wa Ukraine.

Kulingana na vyombo vya habari vya ndani, waziri huyo wa zamani wa ulinzi alisema iwapo Bw Zelensky angetoa fursa kwake kufanya kazi katika mradi mwingine huenda angekubali.

Hata hivyo, wataalam wanasema mabadiliko ya baraza la mawaziri hayawezi kuleta mageuzi makubwa katika mkakati wa kukabiliana na vita huku Jenerali Valery Zaluzhny – kamanda wa vikosi vya jeshi la Ukraine – operesheni hiyo.

Kufutwa kazi kwa Bw Reznikov kunawadia kukiwa na msukumo mkubwa wa kupambana na ufisadi katika utawala wa Bw Zelensky, huku kumaliza ufisadi katika jimbo hilo ikionekana kuwa muhimu kwa nia ya Ukraine ya kujiunga na taasisi za Magharibi kama vile Umoja wa Ulaya.

BBC
+ posts