Home Biashara Safaricom yazindua awamu ya pili ya ushirikiano wa kukuza biashara za maonyesho

Safaricom yazindua awamu ya pili ya ushirikiano wa kukuza biashara za maonyesho

0

Takriban wamiliki 100 wa biashara za maonyesho  wamenufaika katika  awamu ya pili ya mradi wa kuongeza  tija za biashara kutoka kwa kampuni ya Safaricom maarufu kama ‘Grow with Safaricom Business’.

Kongamano hilo ambalo lilifanyika chini ya kaulimbiu ya  “Kujenga chapa yenye nguvu  kidijitali” lililenga kuwawezesha wajasiriamali kwa njia nne: kuwapa wateja uzoefu wa kipekee, kuwa na ufanisi katika utekelezaji, kuwaweka mbele  katika uvumbuzi na mikakati ya ukuaji wa biashara.

Taasisi ya umma ya Kenya ya   utafiti na uchanganuzi wa sera za Umma inakadiria kuwepo kwa  zaidi ya biashara ndogo ndogo na za kadri  milioni 7.4, zinazowaajiri  takriban Wakenya milioni 14.9 katika sekta mbalimbali .

Wajasiriamali wadogo walipata fursa ya kubadilishana mawazo na mbinu za kibiashara wakati wa kongamano hilo na maarifa muhimu kuhusu jinsi ya kuendeleza  ushindani katika nyakati hizi za kidijitali .

Awamu ya kwanza  ya kongamano hilo iliyoandaliwa mwezi Machi ilinufaisha  wajariamali 50  na sehemu ya vikao 12 vitakavyoandliliwa  mwaka huu.