Home Habari Kuu Rais Ruto atua Ethiopia kuhudhuria mkutano wa viongozi wa Afrika

Rais Ruto atua Ethiopia kuhudhuria mkutano wa viongozi wa Afrika

Rais atashiriki kongomano ndogo  la  Afrika Mashariki,   litakaloangazia hali ya amani katika Jamhuri ya Demokrasia ya Kongo,  miongoni mwa maswala mengine.

0
Rais William Ruto awasili nchini Ethiopia.

Rais William Ruto Ijumaa jioni aliondoka humu nchini kuelekea Addis Ababa nchini  Ethiopia, kwa mkutano wa viongozi wa mataifa mbalimbali na serikali barani Afrika .

Kupitia mtandao wake wa  kijamii , hatibu wa Rais Hussein Mohamed alisema rais anatarajiwa kuzungumzia  ukosefu wa usawa katika sekta ya  elimu barani Afrika, ambao umesababisha watoto milioni  98 kukosa elimu barani humu.

Rais  Ruto pia anatarajiwa kuwasilisha ripoti  kuhusu hatua zilizopigwa na bara hili  katika kukabiliana na mabadiliko ya hali ya hewa zikiwa ni pamoja na mkataba wa  Nairobi, ulioafikiwa kwenye mkutano wa kwanza kuhusu  hali ya hewa uliofanyika jijini  Nairobi mwezi Septemba mwaka uliopita.

Rais pia atashiriki kongomano ndogo  la  Afrika Mashariki,   litakaloangazia hali ya amani katika Jamhuri ya Demokrasia ya Kongo,  miongoni mwa maswala mengine.

Rais pia atafanya mazungumzo na marais wengine, viongozi wa mashirika ya kimataifa pamoja na viongozi wa kibiashara.