Home Kimataifa Netanyahu akataa hadharani msukumo wa Marekani kubuniwa kwa taifa la Palestina

Netanyahu akataa hadharani msukumo wa Marekani kubuniwa kwa taifa la Palestina

Katika mkutano na waandishi wa habari, Netanyahu aliapa kuendelea na mashambulizi huko Gaza.

0

Waziri Mkuu wa Israel Benjamin Netanyahu anasema ameiambia Marekani kuwa anapinga kuanzishwa kwa taifa la Palestina mara baada ya mzozo wa Gaza kumalizika.

Katika mkutano na waandishi wa habari, Netanyahu aliapa kuendelea na mashambulizi huko Gaza “hadi ushindi kamili”- uharibifu wa Hamas na kurudi kwa mateka waliosalia wa Israeli, akiongeza kwamba inaweza kuchukua “miezi mingi zaidi”.

Huku takriban Wapalestina 25,000 wakiuawa huko Gaza, kwa mujibu wa wizara ya afya inayosimamiwana Hamas, na asilimia 85 ya wakazi wa eneo hilo wakikimbia makazi yao, Israel iko chini ya shinikizo kubwa la kudhibiti mashambulizi yake na kushiriki katika mazungumzo ya maana juu ya kukomesha vita hivyo.

Washirika wa Israel, ikiwa ni pamoja na Marekani – na wengi wa maadui wake – wamehimiza kufufuliwa kwa “suluhisho la nchimbili” ambalo limesimama kwa muda mrefu, ambapo taifa la baadaye la Palestina litakaa bega kwa bega na la Israeli.

Matumaini katika duru nyingi ni kwamba mzozo wa sasa unaweza kulazimisha pande zinazozozana kurudi kwenye diplomasia, kama njia pekee inayowezekana kwa msururuusio na mwisho wa ghasia. Lakini kutokana na maoni ya Bw Netanyahu, nia yake inaonekana kinyume kabisa.

Wakati wa mkutano wa wanahabari wa Alhamisi, alisema Israel lazima iwe na udhibiti wa usalama katika ardhi yote ya magharibi mwa Mto Jordan, ambayo itajumuisha eneo la taifa lolote la baadaye la Palestina.

“Hili ni sharti la lazima, na linapingana na wazo la mamlaka (ya Palestina). Nini cha kufanya? Ninawaambia ukweli huu marafiki zetu wa Marekani, na pia nilisimamisha jaribio la kuweka ukweli juu yetu ambao ungeweza kudhuru usalama wa Israeli, ” alisema.