Home Taifa Mswada wa Fedha 2024: EFF yaunga mkono malalamishi ya Wakenya

Mswada wa Fedha 2024: EFF yaunga mkono malalamishi ya Wakenya

0
JOHANNESBURG, SOUTH AFRICA - JANUARY 09: Julius Malema, President of the Economic Freedom Fighters along with other members of the Economic Freedom Fighters party hold a press conference to address goals for the 2014 South African Presidential Elections at the Lamanu Meeting Room in Braamfontein on January 9, 2014 in Johannesburg, South Africa. The Economic Freedom Fighters is a political party started by former African National Congress Youth League president Julius Malema in August of 2013 and is one of the primary opposition parties running against the current South African president Jacob Zuma and the African National Congress led Government. (Photo by J. Countess/Getty Images)
kra

Chama cha Economic Freedom Fighters (EFF) cha Afrika Kusini kimeunga mkono kile kinachokitaja kuwa maandamano ya amani yanayofanywa na Wakenya kupingwa Mswada wa Fedha 2024. 

Katika taarifa, chama hicho kinachoongozwa na Julius Malema kinasema maandamano yanayorindima humu nchini ni ishara tosha kwamba watu wanakataa sera zinazozidisha kuteseka kwao na kutaka kuwepo kwa serikali inayojali maslahi yao.

kra

Aidha, kimetoa wito kwa maafisa wa polisi kutowakandamiza waandamanaji ambao kinasema kwa kiwango kikubwa wamedumisha amani.

“Tunalezea zaidi mashaka juu ya ukandamizaji wa waandamanaji wanaodumisha amani ambao umesababisha kujeruhiwa kwa watu wasiopungua 200 na zaidi ya 100 kukamatwa. Utumiaji wa vitoza machozi, mabomba ya maji na risasi za mpira dhidi ya raia wanaotekeleza haki yao ya kulalamika haukubaliki,” ilisema taarifa hiyo.

Taarifa ya EFF inakuja wakati ambapo msemaji wa serikali Isaac Mwaura amewataka vijana kushiriki mazungumzo na serikali ili kuangazia malalamishi yao na kujiepusha kutumiwa na watu kutoka nje ya nchi walio na nia ya kuvuruga amani humu nchini.

Katibu Mkuu wa chama cha UDA Cleophas Malalah pia amedai kuwa maandamano yanayoshuhudiwa nchini yanachochewa na watu kutoka nje ya nchi wenye nia ya kuvruga uthabiti wa nchi.

Vijana maarufu kama Gen Z wameapa kuendelea na maandamano yao hadi serikali iangazie malalamishi yao.

 

LEAVE A REPLY

Please enter your comment!
Please enter your name here