Home Burudani Mchekeshaji Mulamwah awapatia waandamanaji chakula

Mchekeshaji Mulamwah awapatia waandamanaji chakula

Kwenye video aliyoweka kwenye ukurasa wake wa Instagram, mcheshi huyo anaonekana akiwagawia waandamaji chai kwa mandazi.

0
Mulamwa awapa waandamanaji chakula.
kra

Mchekeshaji maarufu hapa nchini David Onyando almaarufu Mulamwah, amesifiwa na wafuasi wake mtandaoni kufuatia kitendo cha kuwalisha waandamaji jijini Nairobi.

Kwenye video aliyoweka kwenye ukurasa wake wa Instagram, mcheshi huyo anaonekana akiwagawia waandamaji chai kwa mandazi.

kra

Punde, idadi ya waandamanaji hao inaonekana ikiongezeka na kung’ang’ania chakula hicho, ishara tosha kuwa walikuwa wanakeketwa matumbo.

Hatua hiyo ya kuwapa waandamanaji chakula imeshabikiwa na wafuasi wake kama yenye utu kwa vijana wanaoandamana jijini na miji mingine nchini, ambao wanapinga mswada wa fedha wa mwaka 2024.

Wabunge 204 walipiga kura kuunga mkono mswada huo Alhamisi, huku wabunge 115 wakiupinga.

Mswada huo sasa utajadiliwa na kamati ya bunge lote, kabla ya kusomwa kwa mara ya tatu na kisha kupigiwa kura.

Vijana almaarufu Gen Z, walishiriki maandamano kote nchini, wakita mswada huo kutupiliwa mbali.

LEAVE A REPLY

Please enter your comment!
Please enter your name here