Home Michezo Kipute cha CECAFA kutifua vumbi Jumamosi magharibi ya Kenya

Kipute cha CECAFA kutifua vumbi Jumamosi magharibi ya Kenya

0

Mashindano ya kuwania kombe la CECAFA kwa chipukizi wasiozidi umri wa miaka 18 yatang’oa nanga Jumamosi katika kaunti za Kakamega na Kisumu.

Mashindano hayo tatafunguliwa rasmi na uongozi wa CECAFA chini ya kinara Walkace Karia na Waziri wa michezo nchini Kenya Ababu Namwambwa.

Yatakuwa mashindano ya kwanza ya CECAFA  tangu mataifa ya Uganda,Tanzania na Kenya yashinde maandilizi ya fainali za kipute cha AFCON meaka 2027 kwa pamoja.

Wenyeji kenya watapambana dhidi ya Sudan kundini A kuanzia saa tisa alasiri katika uga wa Mamboleo kaunti ya Kisumu .

Somalia watafungua dimba kundini A dhidi ya Rwanda saa sita Adhuhuri.

Kundi B litafungua mechi zake Jumapili uwanjani Bukhungu kaunti ya Kakamega ,Zanzibar wakichuana na Sudan Kusini kabla ya Tanzania kukabiliana na Uganda.

Mechi za makundi zitakamilika Disemba 2 kabla ya kupisha nusu fainali tarehe 5 mwezi ujao na fainali Disemba 8 katika uwanja wa Mamboleo kaunti ya Kisumu.

Mechi zote zitapeperushwa mbashara na runinga ya KBC Channel 1 na Y54 na kutangazwa kupitia Radio Taifa,Ingo FM na Mayienga FM.

Website | + posts